Lo mesmu que dengún pairi no vé fierus los sus ijus… en el casu míu tapucu no era real ni ojetivu si cuentara caúnu delos quatru viagis qu’ei echau pal sinu que más me gusta. Por essu n’esti casu me vo a conhormal con ponel una retrataúra col nombri de caúnu delos sitius más imponentis dela isla con qu’ei poíu desfrutal, i qualquiera dudina o pregunta que salga más quieru dá-li contiesta en pressona. Alo últimu’l indilgui vos queu atillus con recomendamientus pa quien decida de vesital Islandia de su motivu sin contratal ná conas agencias, qu’es, a mi parecel, la manera mejol i más barata de hazé-llu. Islandia es el país cona indi de delinqüenciamás baxu del mundu i anda ala cabeça lo mesmu en derechus socialis comu en temas ambientalis, sin descarecel qu’es unu delos pocus paísis que no tien exércitu.
Aurora boreal en Hofn Diamond Beach. Praya delos Diamantis. Vik i el cuentu delos tról empiedraus de frenti Praya de Stokkness Farus d’Akranes Carámbanus en el glacial de JokulsarlonFaru de Reykjanesviti Hvitserkur Focas ena praya de Ytri Tunga Chorrera de Skogafoss Mavericks en el Parqui Nacional de Reykjanes Oxararfoss Geisi Strokkur Campus de lava cobiertus de mosgu nel sul d’Islandia Chorrera de Dynjandi en los Westfjords del norti Chorrera de Dynjandi en los Westfjords del norti Arnarstapi, península de Snaefellsnes Chorrera Seljalandsfoss Chorrera de Aldeyjarfoss Chorrera de Selfoss Chorrera de Gullfoss Montañas de Vestrahorn Pinínsula de Snafaellsnes Chorrera de Dettifoss Pinínsula de Snaefellsnes Ovejas islandesas Chorrera de Svartifoss Chorrera de Glymur Chorrera de Barnafoss Monti Kirkjufell Godafoss, la chorrera delos diosisCrati de Kerid Orihoscu nel lagu MyvatnCavallu islandés en el sul, cerca de Hofn Chorrera nel Parqui Nacional de Thingvellir Chorrera de Litlanesfoss
Pa quien decida d’arrendal cochis, las compañas más baratas son SADCARS i IceRentalCars.
Aconseju d’agarral un 4×4 con cobrición de seguru compreta, mereci la pena de pagal un poquinu más i quital-si de costis demás, un soponel, que se rompa la luna ya que las carreteras d’almendrilla son corrientis i suelin harreal los cristalis. Aparti, qu’un 4×4 te da la libertá guial por carreteras de toa crassi porque n’angunas anda deslindau l’acessu alos turismus.
Tolos días, enantis de praneal la ruta es obrigau de vesital la web www.road.is.
En asseñalandu la zona dela isla pondi se vá a guial, t’impondrá al momentu de quálas carreteras andan abiertas, quálas son peligrosas pol yelu o la nievi i quálas andan cuertás. Yo por no hazé-llu tuvi que dal una güelta de 120 kilometrus…
I palas auroras borealis ain apricacionis de movi, la fecha pa vé-llas vai d’acaberus d’agostu ata meyaus de marçu o abril. En el mi casu gastu Aurora Forecast, está disponibli de baldi en Google Play i p’arrematal…
